KAMPUNI YA BIA YA SERENGETI YAZINDUA KINYWAJI KIPYA AINA YA "JEBEL COCONUT"

Mkurugenzi wa Kampuni ya Bia ya Serengeti (SBL), Steven Gannon akitoa ufafanuzi kwa waandishi wa habari juu ya kinywaji kipya cha pombe kali aina ya Jebel Coconut, mara baada ya uzinduzi wa kinywaji hicho uliofanyika katika hotel ya Serena jijini Dar es Salaam.

Dar es Salaam, Tanzania; KAMPUNI ya Bia ya Serengeti (SBL) moja ya kampuni kubwa za kutengeneza bia nchini na watengenezaji wa bia maarufu aina ya Serengeti Premium Lager wametangaza rasmi kuzindua bidhaa yao mpya inayoitwa Jebel Coconut.

Jebel ni kinywaji kipya aina ya pombe kali kilichobuniwa Tanzania na kutengenezwa kwa ladha ya nazi, ambazo hupatikanan kwa kirahisi hapa nchini.

Akizungumza na waandishi wa habari wakati wa uzinduzi rasmi wa kinywaji hicho jana katika hoteli ya Serena jijini Dar es Salaam, Mkurugenzi Mkuu wa SBL, Steve Gannon alisema, “Sisi tunayo furaha ya kuzindua bidhaa mpya katika soko baada ya kufanya tafiti nyingi juu ya mahitaji ya wanywaji nchini Tanzania na kubaini kuwa kuna pengo katika mahitaji yao.”

Jebel ilibuniwa hapa Dar es salaam kutokana na mandhari yake ya ufukweni na ndio maana ya kuja na kauli mbiu ya “Full Kipupwe”. Kinywaji hiki ni cha kwanza kubuniwa hapa nchini kati ya pombe kali zaidi ya 10 za kimataifa zinazosambazwa na kampuni hiyo. Walengwa haswa wa kinywaji hiki ni watu wazima wenye umri wa kati na SBL ina uhakika kwamba soko litaipokea vizuri bidhaa hii kutokana na ladha, ubora na bei yake maradufu. Jebel ina ladha ya kipekee na inaweza kunyweka kwa ilivyo au ikachanganywa na barafu na kwa wengine soda ya tangawizi au ndimu.

Katika jitihada za kuhakikisha kuwa bidhaa inawafikia wanywaji walengwa hivi karibuni, Mkurugenzi wa Masoko, Ephrahim Mafuru alisema, "Hivi karibuni kutakuwa na shughuli nyingi ambazo zitampa nafasi mnywaji wa kitanzania kupata ladha ya ukweli na uhakika kwa hiyo wanywaji wanaalikwa kushiriki promosheni zitayofanyika katika baa mbalimbali na maduka ili kuwapa nafasi wanywaji kujaribu ladha ya kipekee ya Jebel na kupata zawadi kemkem.”

Kinywaji hiki kipya cha Jebel kitaletwa katika chupa yenye ujazo wa 250ml na yenye rangi ya dhahabu, bluu na kijani kwa shilingi za kitanzania 3000 tu.

KUHUSU SERENGETI BREWERIES LIMITED 

Serengeti Breweries Limited ni kampuni ya bia ambayo huandaa, kuzalisha na kuuza vinywaji vilivyotengenezwa na shairi, ngano na mtama nchini Tanzania.

Kikiwa na makao yake makuu jijini Dar es Salaam, SBL hutengeneza vinywaji vifuatavyo:- Serengeti Premium Lager, Serengeti Platinum, Tusker Lager, Tusker Lite, Kibo Gold, Uhuru Peak Lager, Pilsner Lager, Senator, The Kick and Guinness®.

SBL pia husambaza vinywaji mbalimbali vikali za kimataifa kama Smirnoff Vodka®, Johnnie Walker®, Bailey’s Irish Cream ®, Richot®, Bond 7 Whiskey® and Gilbeys Gin®.

Serengeti Breweries Limited ni kampuni mwenza ya East African Breweries Limited/ DIAGEO PLC.