BENKI YA EXIM YAADHIMISHA WIKI YA HUDUMA KWA WATEJA 2026

Wafanyakazi wa Exim Bank Tanzania, wakiongozwa na Afisa Mtendaji Mkuu wa Benki hiyo, Jaffari Matundu, wakishiriki katika matembezi ya huduma kwa wateja 2026 jijini Dar es Salaam, ikiwa ni sehemu ya maadhimisho ya Wiki ya Huduma kwa Wateja yenye kaulimbiu “The Extra Mile” na kuonesha dhamira ya Benki ya kuwaweka wateja mbele.

Dar es Salaam - Oktoba 6, 2026: Benki ya Exim Tanzania imeadhimisha Wiki ya Huduma kwa Wateja 2026 kwa kusisitiza dhamira yake ya kuendelea kutoa huduma bora, zenye mwitikio na zinazomweka mteja mbele, kupitia kaulimbiu ya mwaka huu, “The Extra Mile.”

Ikiwa ni sehemu ya maadhimisho hayo, wafanyakazi wa Benki ya Exim walishiriki katika matembezi ya huduma kwa wateja jijini Dar es Salaam, yaliyoongozwa na Afisa Mtendaji Mkuu wa Benki hiyo, Jaffari Matundu, ikiwa ni ishara ya dhamira ya Benki ya kumweka mteja katika kiini cha kila jambo linalofanywa.

Akizungumza wakati wa maadhimisho hayo, Matundu alisema kwenda “The Extra Mile” kunamaanisha kumweka mteja kwanza na kuhakikisha kuwa kila mwingiliano na mteja unaongeza thamani kwake.

Alisisitiza kuwa huduma bora kwa wateja ni jukumu la pamoja ndani ya Benki, ambapo kila mfanyakazi ana nafasi ya kuhakikisha huduma za kibenki zinakuwa rahisi, zenye ufanisi na zinazokidhi mahitaji ya wateja.

Afisa Mtendaji Mkuu wa Exim Bank Tanzania, Jaffari Matundu, akizungumza na wafanyakazi wa Benki hiyo wakati wa maadhimisho ya Wiki ya Huduma kwa Wateja 2026. Alisisitiza umuhimu wa kwenda hatua ya ziada katika kuwahudumia wateja na kuhakikisha kila mwingiliano na mteja unaongeza thamani kwake.

Maadhimisho hayo yanaendelea kuonyesha dhamira ya Benki ya Exim Tanzania ya kujenga utamaduni wa huduma unaozingatia mahitaji ya wateja na kuendelea kuboresha uzoefu wao katika kila hatua ya huduma za kibenki.

Afisa Mtendaji Mkuu wa Exim Bank Tanzania, Jaffari Matundu, akikata keki pamoja na baadhi ya wafanyakazi wakati wa maadhimisho ya Wiki ya Huduma kwa Wateja 2026. Wiki hiyo yenye kaulimbiu “The Extra Mile” inalenga kuimarisha dhamira ya Benki ya kutoa huduma bora, rahisi na zinazozingatia mahitaji ya wateja.

Kwa Benki ya Exim, “The Extra Mile” si kaulimbiu pekee, bali ni wito kwa kila mfanyakazi kwenda hatua ya ziada katika kuhakikisha wateja wanapata huduma bora, kwa wakati na yenye thamani.

---

Fuata Kitomari Banking & Finance Blog kwa habari na taarifa mbalimbali kuhusu biashara, benki, fedha na sekta ya uchumi.

LinkedIn | https://www.linkedin.com/feed/
Facebook | https://www.facebook.com
Instagram | https://www.instagram.com
X (Twitter) | https://x.com/home

Wafanyakazi wa Exim Bank Tanzania wakiwa katika picha ya pamoja mara baada ya kushiriki matembezi ya kuadhimisha Wiki ya Huduma kwa Wateja 2026 jijini Dar es Salaam, yenye kaulimbiu “The Extra Mile”, wakionesha mshikamano na dhamira ya pamoja ya kutoa huduma bora, zenye ufanisi na zinazowaweka wateja mbele.