BENKI YA STANBIC YATOA ZAWADI ZA MSIMU WA SIKUKUU KUPITIA KAMPENI YA ‘MASTA WA MIAMALA’

Meneja wa Uimarishaji wa Mahusiano ya Wateja, Irene Mutabihirwa (kulia), akimkabidhi zawadi ya microwave mmoja wa washindi wa kampeni inayoendelea ya ‘Masta wa Miamala’ kutoka taasisi ya BLUE COAST, kwenye hafla iliyofanyika jijini Dar es Salaam.

Dar es Salaam, Tanzania – Benki ya Stanbic Tanzania imeendelea kueneza furaha ya msimu wa sikukuu kwa wateja wake kupitia kampeni inayoendelea ya “Masta wa Miamala.”

Akizungumza kwenye hafla ya kampeni iliyoshirikisha semina kwa vijana kutoka taasisi mbalimbali, Emmanuel Mahodanga, Mkuu wa Kitengo cha Wateja Binafsi wa Stanbic Bank, alisema:

“Kampeni hii ya miezi mitatu inalenga kuongeza matumizi ya njia mbalimbali za malipo za benki ya Stanbic kuanzia kadi za Visa, ATM, Smart App yenye mawakala zaidi ya 600, Internet Banking, hadi USSD *150*29#.”

Aliongeza kuwa huduma hizi hazibuniwi tu kwa ajili ya kukuza malipo ya kidijitali, bali pia ni juhudi za kuwahamasisha wateja wasiotumia akaunti zao ili kufurahia urahisi na usalama wa miamala isiyo na fedha taslimu.

Mahodanga alihitimisha:

“Tunaposherehekea miaka 30 nchini Tanzania, kampeni hii inaonyesha dhamira yetu ya kudumu ya kushirikiana na wateja wetu katika msimu huu wa sikukuu, kwa kuwapatia zawadi mbalimbali zikiwemo simu, friji, microwave na pesa taslimu.”

Washindi wa kampeni walitoka taasisi mbalimbali zikiwemo GSM, TBL, Blue Coast, KPMG, na PwC, wakithibitisha ushirikiano wa wateja mbalimbali na benki katika kipindi hiki cha msimu wa sikukuu.