STANBIC YABORESHA HUDUMA ZAKE ZA PRIVATE BANKING KWA WATEJA WA MBEYA

Mkuu wa Kitengo cha Wateja Maalum, Shangwe Kisanji akizungumzia umuhimu wa kutumia huduma za Private Banking kutoka Benki ya Stanbic kwa wateja wenye ukwasi mkubwa . Tukio hilo limefanyika jijini Mbeya.

Mkuu wa Wateja Maalum, Shangwe Kisanji, akizungumza na Mfanyabiashara mmiliki wa Southern Highlands Supermarket, Shabir Jivraj wakati wa tukio la uzinduzi wa huduma za Private Banking lililofanyika jijini Mbeya.

Meneja wa Bima, Emmanuel Kaganda akizungumzia faida ya huduma ya Private Banking na Kitengo cha Bima, kutoka Benki ya Stanbic. Lengo la hafla hiyo ilikuwa ni kutambulisha huduma za Private Banking na huduma za Bima kwa wateja wenye ukwasi mkubwa Jijini Mbeya.

• Benki ya Stanbic yafikisha huduma zake za Private Banking kwa wateja wa Mbeya, Yawafikia watu wenye ukwasi mkubwa na wamiliki wa biashara kwa ushauri wa kipekee wa usimamizi wa mali, uwekezaji, na suluhisho za kifedha zilizo lenga mahitaji yao.

• Upanuzi wa kimkakati jijini Mbeya unalenga mazingira yake imara ya biashara, ukiwapa wajasiriamali, wawekezaji, na wataalamu huduma za kifedha zilizobinafsishwa kwa maendeleo yao.

• Benki ya Stanbic yatambulisha Usimamizi wa Mali ya Familia na Programu za Uelewa wa Masuala ya Kifedha, zikilenga kuhakikisha urithi wa kifedha wa jamii ya wafanyabiashara wa Mbeya unalindwa kwa muda mrefu.

Mbeya, 27 Februari 2025 – Benki ya Stanbic imezindua rasmi maboresho ya Kifurushi cha Huduma kwa Wateja wa Private Banking (Client Value Proposition – CVP) jijini Mbeya, hatua inayothibitisha dhamira yake ya kutoa suluhisho za kifedha za kimataifa kwa wasomi wa biashara na wanataaluma wa jiji hilo. Upanuzi huu unahakikisha kuwa watu wenye ukwasi mkubwa, wajasiriamali, na viongozi wa kampuni wanapata huduma maalum za kibenki, uwekezaji, na usimamizi wa mali zilizoundwa mahsusi kuongeza uwezo wao wa kifedha.

Mbeya ni mojawapo ya miji inayokua kwa kasi zaidi kiuchumi nchini Tanzania, ikiwa kitovu cha ujasiriamali, uwekezaji katika sekta ya ardhi, biashara ya kilimo, na biashara ya mipakani. Ikiwa karibu na masoko muhimu ya kimataifa kama Zambia, Malawi, na Jamhuri ya Kidemokrasia ya Kongo, Mbeya inachukua nafasi muhimu katika biashara za kikanda, na kuvutia wawekezaji na wataalamu wanaohitaji suluhisho za kifedha zinazoendana na matarajio yao. Ukuaji wa uchumi wa jiji hili umechochea kuongezeka kwa tabaka la wataalamu wenye ukwasi mkubwa, wamiliki wa biashara, na watendaji wa mashirika wanaohitaji huduma za kifedha za hali ya juu ili kusimamia, kukuza, na kulinda mali zao. Huduma za Private Banking za Stanbic Bank zimeundwa mahsusi kukidhi mahitaji haya, zikiwapa wateja ufikiaji wa ushauri wa kifedha wa hali ya juu, mikakati thabiti ya uwekezaji, na mtandao wa kibenki wa kimataifa.

Shangwe Kisanji, Mkuu wa Private Banking wa Benki ya Stanbic Tanzania, alisisitiza umuhimu wa huduma za kifedha zinazolingana na mabadiliko ya kiuchumi ya Mbeya.

“Mbeya ni jiji la fursa, ubunifu, na ukuaji, kadri wafanyabiashara na wajasiriamali wanavyozidi kujikita hapa, mahitaji ya suluhisho za kimkakati za kifedha yanaongezeka. Private Banking si tu kuhusu usimamizi wa mali – ni kuhusu kujenga ushirikiano wa kifedha wa muda mrefu, unaowezesha wateja wetu kukuza, kulinda, na kurithisha mali zao kwa ufanisi. Lengo letu ni kuwapa watu wenye ukwasi mkubwa wa Mbeya huduma za kibenki zilizobinafsishwa zinazolingana na malengo yao, kukuza biashara zao, na kuhakikisha urithi wao wa kifedha kwa vizazi vijavyo.”

Kwa kujiunga na Private Banking ya Stanbic Bank, wateja wanapata huduma za kifedha za hali ya juu zinazozidi benki ya kawaida. Ushauri wa Mali na Mipango ya Uwekezaji huwapa wateja mwongozo wa kitaalamu kuhusu upangaji wa mali, usimamizi wa majanga ya hatari, na ukuaji wa uwekezaji wa kimkakati ili kusaidia wateja kutumia vyema rasilimali zao za kifedha. Suluhisho za Mikopo Zinazobinafsishwa huwapa wateja mikopo iliyoundwa mahsusi kusaidia upanuzi wa biashara, ununuzi wa mali kubwa, na uwekezaji binafsi mkubwa na thamani. Deborah Kihaka, mteja mnufaika wa huduma ya private banking alielezea jinsi amefaidika na huduma hii “huduma ya private banking imenisaidia kupata mkopo na kukuza biashara yangu” Lakini pia Shabir Jivraj ambaye pia ni mteja alisema “anafurahia huduma za private banking na huduma za stanbic kwa ujumla, kwa kuwa inawaelimisha jinsi ya kupata fedha nyingi zaidi pia benki hii inatoa wasimamizi wa akaunti ambao wanatoa mikakati ya kifedha inayowafaa”

Huduma za Benki ya Kimataifa na Uwekezaji wa Nje huwapa wateja ufikiaji wa akaunti za mipakani, fursa za uwekezaji wa nje, na upangaji wa mali wa kimataifa, kuhakikisha usimamizi wa kifedha usio na mipaka katika masoko mbalimbali. Usimamizi wa Mali ya Familia na Programu za Uelewa wa Masuala ya Kifedha huwasaidia wateja na familia zao kupanga urithi wa kifedha, usimamizi wa mirathi, na elimu ya kifedha ili kulinda na kukuza mali zao kwa vizazi vijavyo.

Uzinduzi wa Private Banking jijini Mbeya unafuatia mafanikio ya maboresho ya huduma hizi jijini Dar es Salaam na Mwanza, na ni hatua ya awali kuelekea upanuzi zaidi katika miji mingine mikubwa kama Arusha na Dodoma.

Shangwe Kisanji alisisitiza tena dhamira ya Benki ya Stanbic katika kusaidia ukuaji wa uchumi wa Mbeya:

“Benki ya Stanbic inajitahidi kutoa suluhisho za Private Banking mahali ambapo wateja wetu wanazihitaji zaidi. Ukuaji wa kasi wa uchumi wa Mbeya, nafasi yake kama kitovu cha biashara za kikanda, na ongezeko la mahitaji ya usimamizi wa mali, vimefanya upanuzi huu kuwa hatua muhimu ya kimkakati. Dhamira yetu ni kusaidia watu wenye ukwasi mkubwa, viongozi wa biashara, na wawekezaji kwa utaalamu wa kifedha unaowawezesha kufanikisha malengo yao katika soko linaloendelea kubadilika.”

Benki ya Stanbic inawakaribisha watu wenye ukwasi mkubwa, wajasiriamali, na wataalamu wa mashirika jijini Mbeya kuchunguza huduma zake za kipekee za Private Banking na kushauriana na wasimamizi wa mahusiano ya kifedha kwa mikakati maalum ya kifedha.