STANBIC YAKAMILISHA KAMPENI YA SALARY SWITCH KWA KUZAWADIA WATEJA 90 KWA JUMLA

Sarah Odunga (kulia), Meneja wa Huduma kwa Wateja wa Stanbic Bank Tanzania, akiwa pamoja na Judith Wililo (kushoto) kutoka Bodi ya Michezo ya Kubahatisha Tanzania, wakati wa droo ya tatu na ya mwisho ya kampeni ya Salary Switch iliyofanyika katika makao makuu ya benki hiyo jijini Dar es Salaam.

Dar es Salaam, 4 Agosti 2025 – Benki ya Stanbic Tanzania imehitimisha rasmi Kampeni ya Salary Switch kwa kufanya droo ya tatu na ya mwisho katika mkutano na waandishi wa habari uliofanyika kwenye Makao Makuu ya benki hiyo jijini Dar es Salaam. Tukio hilo limeashiria mafanikio ya kampeni iliyolenga kuwathamini na kuwazawadia wateja waliamua kuhamishia mishahara yao Stanbic.

Katika droo hiyo ya mwisho, wateja 30 walishinda zawadi za pesa taslimu, huku tukio likishuhudiwa na Bi. Judith Wililo, mwakilishi kutoka Bodi ya Michezo ya Kubahatisha Tanzania, pamoja na waandishi wa habari ili kuhakikisha uwazi na uaminifu wa mchakato mzima wa uchaguzi wa washindi.

Kuimarisha Uhusiano na Wateja

Kampeni ya Salary Switch ilizinduliwa ili kuwahamasisha wafanyakazi walio kwenye ajira rasmi kuhamishia mishahara yao kupitia akaunti za Stanbic. Katika kipindi cha miezi mitatu iliyopita, kampeni hiyo imefanikiwa kutoa zawadi kwa jumla ya washindi 90, ambapo kila mshindi alipokea hadi TZS 500,000 kupitia droo za kila mwezi.

“Tunajivunia kufanikisha hitimisho la kampeni ya Salary Switch. Kampeni hii haikuwa tu kuhusu zawadi, bali ilikuwa ni fursa ya kuimarisha uhusiano wetu na wateja na kuonyesha thamani halisi ya huduma za kibenki tunazotoa,” alisema Sarah Odunga, Meneja wa Thamani kwa Wateja – Stanbic Bank Tanzania.

Faida Zaidi kwa Wateja

Bi. Odunga alieleza kuwa wateja walioungana na kampeni hiyo walinufaika na faida nyingi zaidi ya zawadi pekee.

“Wateja waliopitisha mishahara yao kupitia Stanbic walifunguliwa milango ya huduma za kifedha zinazowahusu binafsi, urahisi wa kufanya miamala kidigitali, pamoja na usaidizi wa kifedha unaowawezesha kufikia malengo yao ya kifedha – iwe ni kuwekeza kwenye ndoto zao au kukidhi mahitaji ya kila siku.”

Wito kwa Watanzania

Akiwahutubia waandishi wa habari, Bi. Odunga pia alitoa wito kwa Watanzania kujiunga na huduma za Stanbic:

“Tunawaalika Watanzania wote kujiunga nasi na kujionea tofauti. Tukiadhimisha miaka 30 ya kukua pamoja na Watanzania, dhamira yetu inaendelea kuwa ni kutoa huduma za kifedha jumuishi, zinazohusiana na maisha ya watu, na zenye kuwainua kiuchumi.”

Kujenga Thamani ya Muda Mrefu

Kampeni ya Salary Switch ni sehemu ya mikakati ya Stanbic Bank inayolenga kukuza ushirikishwaji wa kifedhanchini Tanzania huku ikiendelea kutoa thamani ya muda mrefu kwa wateja wake.

---

🔔 Endelea kufuatilia Kitomari Banking & Finance Blog kwa taarifa zaidi kuhusu maendeleo ya sekta ya benki, mikakati ya kifedha, na ushirikishwaji wa kifedha nchini Tanzania.