![](https://blogger.googleusercontent.com/img/b/R29vZ2xl/AVvXsEja4ZQlhAqNl4Gfl0wDqF4ameKmB_LxD8tV_od3m4A1gKUdeo6P4dRMJ4f0iUHOwiDrCRHXrNORDzCk6-C_uXyv_Y7KxcKc43hyNgAKFRwUe-7FSXZ2075zV6wFpCx-qp80s9ym0ydSL9wYxj7ultOjav96ODnpGBjgA4Z95Eg7sXd3svavQgaYke15OhaC/w640-h426/OTMI5980.jpg)
Naibu Waziri Mkuu na Waziri wa Nishati, Dkt. Doto Biteko (katikati),
akiwa ameongozana na Waziri wa Michezo, Dkt. Damas Ndumbaro (watatu
kulia), Mkuu wa Mkoa wa Dar es Salaam, Albert Chalamila (wapili kulia),
Mwenyekiti wa Bodi ya Wakurugenzi Benki ya CRDB, Dkt. Ally Laay (watatu
kushoto), Mwenyekiti wa Bodi ya CRDB Bank Foundation, Martin Warioba
(kulia), Mkurugenzi Mtendaji wa Benki ya CRDB, Abdulmajid Nsekela (wanne
kushoto) pamoja na viongozi wengine wakianza mbio za kilometa tano
katika kilele cha msimu wa tano wa CRDB Bank Marathon zilizofanyika
viwanja vya farasi 'The Green Grounds' jijini Dar es salaam Agosti 18,
2024 na kuhudhuriwa na washiriki zaidi ya 8,000.
Dar es Salaam, 18 Agosti 2024 – Naibu Waziri Mkuu na Waziri wa Nishati, Mhe. Dkt. Dotto Biteko ameipongeza taasisi ya CRDB Bank Foundation kwa kuendelea kuandaa mbio za CRDB Bank Marathon ambazo zimejielekeza katika kusaidia jitihada za serikali kuboresha sekta ya afya, kusaidia wenye uhitaji, pamoja na kukuza ustawi wa jamii.
Dkt. Biteko ametoa pongezi hizo wakati wa kilele cha msimu wa tano wa CRDB Bank Marathon ambapo Shilingi Milioni 350 zimekusanywa kwa ajili ya kusaidia watoto wenye uhitaji wa upasuaji wa moyo Taasisi ya Jakaya Kikwete (JKCI), huduma za afya kwa wakinamama wenye ujauzito hatarishi hospitali ya CCBRT, na uwezeshaji wa vijana.
Dkt. Biteko ametoa pongezi hizo wakati wa kilele cha msimu wa tano wa CRDB Bank Marathon ambapo Shilingi Milioni 350 zimekusanywa kwa ajili ya kusaidia watoto wenye uhitaji wa upasuaji wa moyo Taasisi ya Jakaya Kikwete (JKCI), huduma za afya kwa wakinamama wenye ujauzito hatarishi hospitali ya CCBRT, na uwezeshaji wa vijana.
![](https://blogger.googleusercontent.com/img/b/R29vZ2xl/AVvXsEjUgzvtANoL4CNp-6u26LRJNsejdCgZ5QZpZF8Qua3WoFfSwUrHDxxw_ddpkJv9Tvro5aTMiqYRqlAnIiGC3s5KshsQe69n2mPno4p0P_daGL-7m5MnAASOG38I7VfvmLmNOoNT2q0k2GBObqFU-1wGgLR662r9rsimb5qWFMJcaYzBH3BJSmvUGbrqvOcT/w640-h424/OTMI7366.jpg)
Kwa upande wake Mkurugenzi Mtendaji wa Benki ya CRDB, Abdulmajid Nsekela amesema katika kiasi cha fedha kilichokusanywa; shilingi milioni 100 zitakwenda kusaidia watoto wenye uhitaji wa upasuaji wa moyo Taasisi ya Jakaya Kikwete (JKCI), Shilingi Milioni 100 kusaidia huduma za afya kwa wakinamama wenye ujauzito hatarishi hospitali ya CCBRT, na Shilingi Milioni 150 uwezeshaji wa vijana.
Mbio hizi zilizofanyika Dar es Salaam ni za tatu baada ya zile zilizofanyika nchini DRC, na Burundi. Nchini DRC mbio hizo zilifanyika tarehe 4 Agosti ambapo Dola za Marekani 50,000 zilikusanywa kusaidia kuboresha huduma za afya kwa watoto hospitali ya Jason Sendwe jijini Lubumbashi. Kwa upande wa nchini Burundi, mbio hizo zilifanyika tarehe 11 Agosti ambapo Faranga za Burundi Milioni 120 zilikusanywa kusaidia wahanga wa mafuriko mkoa wa Gatumba jijini Bujumbura.
Washindi wa mbio hizo Kilometa 42 upande wa wanawake ni Joyloyce Kemuma kutoka Kenya, upande wa wanaume mshindi ni Moses Nengichi kutoka Kenya. Kilometa 21 upande wa wanawake ni Sara Makera kutoka Tanzania, na upande wa wanaume ni Joseph Panga kutoka Tanzania. Kilometa 10 upande wa wanawake ni Hamida Nasor kutoka Tanzania, na upande wa wanaume ni Mao Hindo Ako kutoka Tanzania.
“Mimi kama mwanamke ninajisikia faraja kubwa kushiriki kusambaza tabasamu kwa watoto na wakinamama. Watu wanapaswa kufahamu kuwa afya bora ni haki ya kila mtoro na wakinamama pia hawastahili kupoteza maisha wakati wa kujifungua. Tunawashukuru CRDB Bank Foundation kwa kutuunganisha pamoja katika juhudi hizi,” amesema.
No comments:
Post a Comment