BENKI YA NBC YASHIRIKI KONGAMANO LA AFYA DAR ES SALAAM

Waziri Mkuu Kassim Majaliwa (wa tatu kulia) akipokea taarifa fupi kutoka kwa Mkuu wa Idara ya Mawasiliano na Mahusino ya Umma wa benki ya NBC Bw. Godwin Semunyu (wa pili (kushoto) kuhusu jitihada mbalimbali zinazofanywa na benki hiyo kwenye sekta ya afya wakati alipotembelea banda la maonyesho ya huduma za benki hiyo mahususi kwa wadau wa sekta ya afya lililopo kwenye kongamano la Afya Kitaifa lililoandaliwa na Taasisi ya Benjamin Mkapa (BMF) katika ukumbi wa JNICC Dar es salaam. Wengine ni pamoja na Waziri wa Afya, Ummy Mwalimu (kulia), Afisa Mtendaji Mkuu wa Taasisi ya Benjamini William Mkapa Foundation, Dkt. Ellen Senkoro (katikati)

Waziri Mkuu Kassim Majaliwa (wa nne kulia) akimsikiliza Waziri wa Afya, Ummy Mwalimu akizungumza kuhusu mchango wa benki ya NBC kwenye sekta ya afya alipotembelea banda la maonyesho ya huduma za benki hiyo mahususi kwa wadau wa sekta ya afya lililopo kwenye kongamano la Afya Kitaifa lililoandaliwa na Taasisi ya Benjamin Mkapa (BMF) katika ukumbi wa JNICC dar es salaam. Wengine ni pamoja na Waziri wa Afya Afya Zanzibar Nassor Ahmed Mazurui (kulia), Afisa Mtendaji Mkuu wa Taasisi ya Benjamini William Mkapa Foundation Dkt. Ellen Senkoro (katikati) na Mkuu wa Idara ya Mawasiliano na Mahusino ya Umma wa benki ya NBC, Bw. Godwin Semunyu (alieshika kipaza sauti).

Maofisa wa Benki ya NBC wakiwahudumia wadau mbalimbali wa sekta ya afya waliotembelea banda la benki hiyo lililopo kwenye kongamano la Afya Kitaifa lililoandaliwa na Taasisi ya Benjamin Mkapa (BMF) katika ukumbi wa JNICC dar es salaam.

Dar es Salaam, 30 Julai 2024: Waziri Mkuu Kassim Majaliwa amepongeza jitihada za Benki ya Taifa ya Biashara (NBC) katika kuendeleza sekta ya afya hapa nchini kupitia huduma za kibenki pamoja program zake mbalimbali zinazolenga kuboresha sekta hiyo muhimu.

Waziri Mkuu Majaliwa alitoa pongezi hizo alipotembelea banda la maonyesho ya huduma za benki hiyo mahususi kwa wadau wa sekta ya afya lililopo kwenye kongamano la Afya Kitaifa lililoandaliwa na Taasisi ya Benjamin Mkapa (BMF) katika ukumbi wa JNICC Dar es salaam.

Akizungumza mara baada ya kupokea taarifa fupi kutoka kwa Mkuu wa Idara ya Mawasiliano na Mahusino ya Umma wa benki ya NBC Bw. Godwin Semunyu kuhusu jitihada mbalimbali zinazofanywa na benki hiyo kwenye sekta afya, Waziri Mkuu Majaliwa alisema serikali inathamini mchango mkubwa unaofanywa na benki hiyo pamoja na wadau wengine katika kusaidia sekta hiyo muhimu.

“Ni juzi tu nimetoka kuongoza mbio za NBC Dodoma Marathon zilizofanyika huko Dodoma ambapo jumla ya milioni 300 zilikusanywa na benki ya NBC kwa ajili ya kusaidia jitihada mbalimbali za kiafya hususani kuokoa Maisha ya mama na mtoto. Huko Zanzibar pia wamekuwa wakifadhili huduma za uchunguzi wa bure kwa wanawake wajawazito kupitia huduma ya kliniki inayotembea pamoja na jitihada nyingine nyingi…hongereni sana NBC,’’ alipongeza.

Akiwa kwenye banda hilo pia Waziri wa Afya , Ummy Mwalimu aliipongeza benki hiyo kwa jitihada hizo kwenye sekta ya afya huku akiahidi kuendelea kushirikiana na benki hiyo katika kutekeleza miradi mbalimbali kwenye sekta ya afya hususani ile inayolenga afya ya mama na mtoto.

TCB YAZINDUA HUDUMA YA POPOTE KUFUNGUA AKAUNTI KUPITIA SIMU YA MKONONI

Mkurugenzi wa Masoko na Ukuzaji Biashara na Mahusiano ya Umma wa TCB, Deo Kwiyukwa.

Mkuu wa Huduma za Kidijiti na Ubunifu TCB, Jesse Jackson.

Benki ya Biashara Tanzania (TCB) imezindua huduma ya Popote Akaunti inayomuwezesha mteja kufungua akaunti na kupata huduma za kibenki kidijiti pamoja na kufanya malipo mbalimbali ikiwemo kulipia tiketi za Reli ya Kisasa (SGR).

Ofisa Mkuu wa Huduma za Kidijiti na Ubunifu TCB, Jesse Jackson amebainisha hayo alipokuwa akizungumza na waandishi wa habari wakati wa uzinduzi huo Mkoani Dar es Salaam.

Jesse alisema huduma hiyo itawasaidia jamii hasa ambao wanaishi maeneo ya vijijini na walio mbali na benki.

Jesse amesema kuwa kubuniwa kwa huduma hiyo ni mwendelezo wa dhamira thabiti ya Benki ya TCB katika kuwezesha ujumuishi wa kifedha na kutumia maendeleo ya teknolojia katika kuongeza upatikanaji wa huduma za kibenki.

“Uzinduzi huu wa akaunti ya TCB POPOTE ni mfano hai wa dhamira yetu ya kuelewa mahitaji ya wateja wetu na kuwaletea ubunifu unaochangia ukuaji uchumi wa taifa kwa kuzifanya huduma za kibenki kupatikana kwa watu wote” amesema Jesse.

Amesema kuwa benki hiyo itaendelea kubuni huduma ambazo zitasaidia kupeleka huduma za kifedha karibu na wateja nchini.

“Bado kuna uhitaji wa kusogeza huduma kwa wateja wetu na watanzania kwa ujumla, takwimu zinaonesha asilimia 89 ya watanzani wanaweza kupata huduma za kifedha ndani ya kilomota 5 na asilimia 22 tu ya watanzania wana. akaunti za kibenki maana yake bado kuna uhitaji wa kusogeza huduma hizi za kifedha” amesema.

USIKOSE MICHUANO YA PRE-SEASON NDANI YA DStv BOMBA

Tembelee kurasa za DStv kwa taarifa zaidi.

#mbungibampa2bampa
#sokabiladstvhalinogi

VODACOM YASHIRIKIANA NA NBC DODOMA MARATHON KUANGAZIA AFYA YA UZAZI

Kama mdhamini mkuu wa mbio za Kilomita 21 katika NBC Dodoma Marathon 2024, kampuni ya mawasiliano na teknolojia Vodacom Tanzania ikiwakilishwa na Mkurugenzi Mtendaji Bw. Philip Besiimire ilishiriki katika hafla ya utoaji zawadi kwa washindi wa mbio hizo sambamba na Waziri Mkuu wa Jamhuri ya Muungano wa Tanzania Mh. Kassim Majaliwa, Mkurugenzi Mtendaji wa Benki ya NBC Bw. Theobald Sabi na viongozi wengine mbali mbali.

Akizungumza kabla ya utoaji wa zawadi hizo Mkurugenzi Mtendaji wa Vodacom Tanzania alieleza kuhusu msukumo wa kampuni hiyo ya mawasiliano kuunga mkono mbio hizo kwani zinaenda sambamba na jitihada zao katika eneo la afya ya uzazi ambapo kwa zaidi ya miongo miwili, Vodacom kupitia Vodacom Foundation imekuwa ikijitolea kuimarisha eneo hilo.

“Tumewekeza zaidi ya dola milioni 20 za Kimarekani katika miradi ya kijamii, ambapo zaidi ya asilimia 65% imeelekezwa kwenye afya ya uzazi. Programu maarufu ya m-mama pekee imechangia kupunguza vifo vya wajawazito kwa asilimia 38% na kuwezesha usafiri wa dharura kwa wanawake zaidi ya 100,000 kwenda hospitalini, hivyo kuokoa maisha ya mama na mtoto. Vile vile, tumeunga mkono na kuboresha maisha ya wanawake zaidi ya 20,000 kupitia msaada wetu kwa wanawake wanaopitia upasuaji wa kurekebisha na ukarabati kwa wale wanaosumbuliwa na fistula ya uzazi. Tumedhamini mbio hizi ili kusaidia ufadhili wa masomo na mafunzo ya wakunga na kambi za matibabu (medical camps) ya saratani ya shingo ya kizazi.” alisema Bw. Besiimire.

Mbali na zawadi za fedha taslimu zilizotolewa na benki ya NBC, Vodacom pia iliwapatia zawadi mbali mbali washindi wa mbio hizo.

WAZIRI MKUU AONGOZA WASHIRIKI MBIO ZA NBC DODOMA MARATHON 2024

Waziri Mkuu Kassim Majaliwa (kushoto) akimkabidhi mfano wa hundi yenye thamani ya Tsh milioni 100 Mkurugenzi wa Taasisi ya Saratani ya Ocean Road Dkt. Julius Mwaiselage iliyotolewa na Benki ya NBC kwa ajili ya kuchangia mapambano ya Saratani ya shingo ya kizazi kwa kina mama kupitia mbio za NBC Dodoma Marathon zilizofanyika kwenye Uwanja wa Jamhuri jijini Dodoma. Wanaoshuhudia ni pamoja na Naibu Waziri wa Utamaduni, Sanaa na Michezo, Bw. Hamis Mwinjuma (wa tatu kushoto), Mkurugenzi Mtendaji wa Benki ya NBC Bw. Theobald Sabi (wa pili kulia) na viongozi wengine kutoka serikalini na wadau wa mbio hizo.

Waziri Mkuu Kassim Majaliwa (kushoto) akimkabidhi mfano wa hundi yenye thamani ya Tsh milioni 100 Mwakilishi wa Taasisi ya Benjamin Foundation iliyotolewa na Benki ya NBC kwa ajili ya kuchangia kutoa ufadhili wa elimu kwa wakunga kupitia mbio za NBC Dodoma Marathon zilizofanyika kwenye Uwanja wa Jamhuri jijini Dodoma. Wanaoshuhudia ni pamoja na Naibu Waziri wa Utamaduni, Sanaa na Michezo, Bw. Hamis Mwinjuma (wa tatu kushoto), Mkurugenzi Mtendaji wa Benki ya NBC Bw. Theobald Sabi (wa pili kulia) na viongozi wengine kutoka serikalini na wadau wa mbio hizo.

Waziri Mkuu Kassim Majaliwa (kushoto) akimkabidhi mfano wa hundi yenye thamani ya Tsh milioni 50 kwa Mkurugenzi Mtendaji wa Hospitali ya Taifa Muhimbili Prof. Mohamed Janabi iliyotolewa na Benki ya NBC kwa ajili ya kuchangia ujenzi wa chumba cha upasuaji kwenye hospitali hiyo kupitia mbio za NBC Dodoma Marathon zilizofanyika kwenye Uwanja wa Jamhuri jijini Dodoma. 

Waziri Mkuu Kassim Majaliwa (katikati) akionyesha medali aliyokabidhiwa na Mkurugenzi Mtendaji wa Benki ya NBC Bw. Theobald Sabi (kushoto) ili amfikishie Rais Samia Suluhu Hassan ikiwa ni ishara ya benki hiyo kutambua mchango wa Rais Samia katika kuasisi mbio hizo wakati wa msimu wake wa kwanza uliofanyika mwaka 2020 ambapo Rais Samia aliziongoza akiwa kama Makamu wa Rais wa Jamhuri ya Muungano wa Tanzania. 

Waziri Mkuu Kassim Majaliwa akiwaongoza viongozi mbalimbali wakiwemo wa kitaifa na viongozi wa taasisi na mashirika mbalimbali walioshiriki kwenye mbio za km 5 za NBC Dodoma Marathon.

Waziri Mkuu Kassim Majaliwa (wa tatu kulia) akimkabidhi mfano wa hundi yenye thamani ya Tsh milioni 11.5 kwa mwanariadha Angelina Yumba kutoka Tanzania baada ya kuibuka mshindi wa kwanza mbio za km 42 NBC Dodoma Marathon zilizofanyika jijini Dodoma zikilenga kuchangia mapambano ya Saratani ya shingo ya kizazi kwa kina mama.

Katika mbio hizo zilizohusisha washiriki kutoka ndani na nje ya nchi, zilishuhudiwa na washiriki kutoka Tanzania, Kenya na Uganda wakichuana vikali kwa kuibuka washindi kwenye mbio tofauti hususani zile za km 10, km 21 na km 42.

Dodoma, 28 Julai 2024: Waziri Mkuu Kassim Majaliwa ameongoza washiriki zaidi ya 12,000 wa mbio za NBC Dodoma Marathon zilizofanyika kwenye Uwanja wa Jamhuri jijini Dodoma huku akiwapongeza waandaaji wa mbio hizo Benki ya Taifa ya Biashara (NBC) kwa kufanikiwa kukusanya fedha kiasi cha Shilingi milioni 300 zitakazoelekezwa katika kuokoa maisha ya mama na mtoto.

Katika mbio hizo zilizohusisha washiriki kutoka ndani na nje ya nchi, ilishuhudiwa washiriki kutoka Tanzania, Kenya na Uganda wakichuana vikali kwa kuibuka washindi kwenye mbio tofauti hususani zile za km 10, km 21 na km 42. Waziri Mkuu Kassim Majaliwa aliwaongoza viongozi mbalimbali wakiwemo wa kitaifa na viongozi wa taasisi na mashirika mbalimbali walioshiriki kwenye mbio za km 5.

Akizungumza kwenye hafla ya kukabidhi zawadi kwa washindi na wadau mbalimbali wa mbio hizo, Waziri Mkuu, Kassim Majaliwa pamoja na kuipongeza benki ya NBC kwa mafanikio hayo, alionyesha kuguswa na ongezeko kubwa la washiriki wa mbio hizo kutoka washiriki 1,500 mwaka 2020 hadi kufikia washiriki 8,000 waliojiandikisha rasmi kushiriki mbio hizo mwaka huu. Hatua hiyo alisema inasadifu mwamko mkubwa wa wananchi kushiriki katika michezo hatua ambayo itasaidia katika kukabiliana na magonjwa yasiyoambukiza ikiwemo ugonjwa wa moyo, kisukari na figo.

“Mchango wa Benki ya NBC katika kuinua sekta ya michezo nchini upo wazi sana ambapo wametenga fedha zaidi ya bilioni 36 katika kufanikisha udhamini wa michezo mbalimbali ikiwemo mchezo wa mpira wa miguu. Kupitia mchezo huu wa riadha mbali na kuchochea mwamko wa mchezo husika kwa jamii, kwa mwaka huu pekee wamefanikiwa kukusanya fedha kiasi cha Shilingi milioni 300 zitakazoelekezwa kufanikisha juhudi mbalimbali za kiafya kupitia agenda ya msingi ya kuokoa maisha ya mama na mtoto…hongereni sana NBC,’’ alipongeza.

MAANDALIZI YA NBC DODOMA MARATHON 2024 YAKAMILIKA - 28 JULAI 2024

Mkuu wa Mkoa wa Dodoma Bi Rosemary Senyamule (wa pili kulia) akipokea sweta maalum la mbio za NBC Dodoma Marathon kutoka kwa Mkuu wa Kitengo cha Mawasiliano na Mahusiano ya Umma wa Benki ya NBC, Godwin Semunyu (wa pili kushoto) na Mwenyekiti wa Kamati ya Maandalizi ya mbio hizo Bi Tasiana Massimba (kulia) ikiwa ni ishara ya kumkaribisha rasmi mkuu wa mkoa huyo kwenye mbio hizo zinazotarajiwa kufanyika Julai 28 mwaka huu kwenye Uwanja wa Jamhuri jijini Dodoma. Mbio hizo zinalenga kukusanya fedha ili kusaidia mapambano dhidi ya saratani ya shingo ya kizazi na kutoa ufadhili wa elimu kwa wakunga ili kuboresha afya ya mama na mtoto makabiziano hayo yamefanyika makao makuu ya benki hiyo jijini Dodoma leo. Kushoto ni Kaimu Katibu Tawala wa Mkoa wa Dodoma Bi Joyce Fisoo.

Mkuu wa Mkoa wa Dodoma Bi Rosemary Senyamule (katikati) akiwaonesha waandishi wa habari (hawapo pichani) moja ya fulana maalum za mbio za NBC Dodoma Marathon mwaka 2024 mara baada ya kukabidhiwa na Mkuu wa Kitengo cha Mawasiliano na Mahusiano ya Umma wa Benki ya NBC, Godwin Semunyu (kushoto) na Mwenyekiti wa Kamati ya Maandalizi ya mbio hizo Bi Tasiana Massimba (Kulia) ikiwa ni ishara ya kumkaribisha rasmi mkuu wa mkoa huyo kwenye mbio hizo zinazotarajiwa kufanyika Julai 28 mwaka huu kwenye Uwanja wa Jamhuri jijini Dodoma. 

Akizungumza na waandishi wa habari jijini Dodoma leo RC Senyamule (pichani) pamoja na kuipongeza benki ya NBC kwa maandalizi hayo mazuri alisema ujio wa mbio hizo mkoani humo kwa miaka mitano sasa umekuwa ukiambatana na fursa mbalimbali ikiwemo ongezeko la mzunguko wa fedha unaotokana na ongezeko la mahitaji ya chakula, vinywaji,mavazi na malazi kutona na idadi kubwa ya watu wanaotoka mikoa mbalimbali ili kushiriki mbio hizo jijini humo.

Mwenyekiti wa Kamati ya Maandalizi ya mbio za NBC Dodoma Marathon Bi Tasiana Massimba (Pichani) akizungumza na waandishi wa habari kuhusu kukamilika kwa mbio hizo zinazotarajiwa kufanyika Julai 28, mwaka huu jijini Dodoma.

Awali akizungumza kwenye mkutano huo, Mkuu wa Kitengo cha Mawasiliano na Mahusiano ya Umma wa Benki ya NBC, ambayo ndio inaratibu mbio hizo Bw Godwin Semunyu (pichani) alisema maandalizi yote yamekamilika na tayari washiriki mbalimbali wa mbio zinazohusisha umbali wa km5, km10, km21 na km42 wanaendelea kuingia jijini humo ili kushiriki mbio hizo.

Akizungumza kwenye mkutano huo Mkuu wa Kanda ya Kati wa Kampuni ya Mawasiliano ya Vodacom Tanzania Bw Joseph Sayi (pichani) alisema kampuni hiyo ikiwa kama mdau mkuu wa mawasiliano kwenye mbio hizo imejipanga kutoa huduma ya mawasiliano ya internet bure kwa washiriki wote wa mbio hizo.

Baadhi ya wajumbe wa kamati ya maandalizi ya mbio za NBC Dodoma Marathon wakifutilia mkutano huo.

Dodoma, 26 Julai 2024: Mkuu wa Mkoa wa Dodoma Bi Rosemary Senyamule amethibitisha kukamilika kwa maadalizi ya msimu wa tano mbio za NBC Dodoma Marathon huku akionyesha kuridhishwa na ubora wa mbio hizo sambamba na mchango wake katika kuchochea kasi ya Uchumi wa mkoa huo kupitia sekta za biashara, michezo na utalii.

Mbio zinatarajiwa kufanyika Julai 28 mwaka huu kwenye Uwanja wa Jamhuri jijini Dodoma zikiwa na lengo la kukusanya fedha ili kusaidia mapambano dhidi ya saratani ya shingo ya kizazi na kutoa ufadhili wa elimu kwa wakunga ili kuboresha afya ya mama na mtoto. Waziri Mkuu Kassim Majaliwa anatarajiwa kuongoza washiriki zaidi ya 8,000 waliothibitisha kushiriki mbio hizo.

Akizungumza na waandishi wa habari jijini Dodoma leo RC Senyamule pamoja na kuipongeza benki hiyo kwa maandalizi hayo mazuri alisema ujio wa mbio hizo mkoani humo kwa miaka mitano sasa umekuwa ukiambatana na fursa mbalimbali ikiwemo ongezeko la mzuguko wa fedha unaotokana na ongezeko la mahitaji ya chakula, vinywaji,mavazi na malazi kutona na idadi kubwa ya watu wanaotoka mikoa mbalimbali ili kushiriki mbio hizo jijini humo.

“Kukamilika kwa maadalizi ya mbio hizo tena katika viwango vya kimataifa kunatoa taswira sahihi ya hadhi ya mbio hizo na jiji la Dodoma kama makao makuu ya nchi. Nitoe wito kwa wananchi wa jiji la Dodoma hususani wafanyabiashara kuchangamkia fursa mbalimbali zitokanazo na ongezeko hili la watu ambao nje ya washiriki hao 8,000 waliothibitisha kushiriki pia wapo wengine zaidi walioambatana nao.’’ Alisema.

TANZANIA BREWERIES LIMITED HOSTS 51ST ANNUAL GENERAL MEETING

TBL Board Chairman, Mr. Leonard Mususa addresses shareholders during the 51st Annual General Meeting (AGM) held at the Julius Nyerere International Convention Centre in Dar es Salaam yesterday. This event highlighted TBL PLC’s financial performance, strategy and market position. With him left is the Company Secretary, Esther Kuja and Board Member, Phocus J.I. Lasway (right).

Dar es Salaam, July 25, 2024 - Tanzania Breweries Public Limited Company (TBL PLC), Tanzania's leading beverage manufacturer, is delighted to announce its 51st Annual General Meeting (AGM) at the renowned Julius Nyerere International Convention Centre. This event will highlight TBL's financial performance, strategy, and market position.

The AGM, expected to be attended by various stakeholders, will cover the growth and development of TBL and the entire group, as well as the challenges faced over the past year. TBL will also showcase how their applied innovations in driving production growth.

A crucial agenda item at the AGM will be the ratification of dividends paid of TZS 537 per share (equivalent to TZS 158,445 million) for the year ended December 31, 2023, an 85% increase over the prior year. This illustrates TBL PLC's commitment in delivering consistent returns to its esteemed shareholders.

TBL Board Chairman Mr. Leonard Mususa, said, "We are proud to announce that despite the challenging operating conditions of 2023, including global geopolitical tensions and local excise duty hikes, Tanzania Breweries Public Limited Company (TBL PLC) demonstrated resilient growth and delivered significant value to our shareholders. Our steadfast execution of strategic initiatives and the market's confidence in our diverse portfolio of brands resulted in a notable increase in revenue, enabling us to approve and distribute a dividend of TZS 537 per share—an impressive 85% increase over the previous year. This accomplishment underscores our commitment to creating long-term value for our shareholders and reinforces our position as one of the nation’s leading contributors to economic growth."

Furthermore, the AGM involved the approval of the appointment of PricewaterhouseCoopers as the external auditors for the upcoming financial year ending December 31, 2024, highlighting TBL PLC's unwavering dedication to sound financial governance and transparency.

WANANCHI NDANI YA DStv BOMBA; KAIZER CHIEFS vs YANGA 28 JULAI SAA 10:00

#tumewasikiliza
#mbungibampa2bampa

VODACOM YAZINDUA KAMPENI YA “NI BALAAA” KILA MTU NI MSHINDI

Ni Balaaa! George Lugata (kushoto), Mkuu wa Idara ya Mauzo na Usambazaji, Athumani Mlinga, Mkurugenzi wa Kitengo cha TEHAMA, Grace Chambua, Kaimu Mkurugenzi wa Biashara na Epimack Mbeteni, Mkurugenzi wa M-Pesa wote kutoka Vodacom Tanzania Plc wakizindua kampeni ya "Ni Balaaa" iliyofanyika tarehe 25 Julai 2024 Gerezani - Kariakoo jijini Dar es Salaam. Kampeni hiyo ya miezi minne inalenga kuwazawadia wateja wa kampuni hiyo zawadi za kila siku shilingi 100,000, wiki shilingi 500,000, mwezi shilingi milioni moja na hatimaye kuwapata washindi wakuu watano ambapo kila mmoja atapata shilingi 20 milioni.

Julai 25, 2024, Dar es Salaam: Kampuni ya Teknolojia na Mawasiliano Vodacom Tanzania Plc imezindua kampeni kabambe inayojulikana kama “Ni Balaaa” ikiwa na lengo la kuwanufaisha wateja wake na jamii nzima kiujumla. Kampeni hii kubwa na ya kitaifa inalenga kunufaisha watanzania wengi ambapo kutakuwa na washindi wa kila siku, wiki, mwezi na washindi watano wa zawadi kuu huku wote wakiondoka na zawadi kemkem ikiwemo fedha taslimu.

“Kampeni ya Ni Balaaa inalenga kuwazawadia wateja wetu kila wanaponunua kifurushi (bando) au kufanya miamala kupitia M-Pesa na pia kutoa nafasi kwa washindi wa zawadi kuu, kupendekeza Shule za Msingi katika Jamii zao na Vodacom Tanzania itafanya maboresho katika maktaba za shule hizo kama vile kuwapatia vitabu, makabati ya kuhifadhia vitabu na samani za kusomea”, alisema Grace Chambua, Kaimu Mkurugenzi wa Kitengo cha Biashara kutoka Vodacom Tanzania wakati wa uzinduzi wa kampeni hiyo uliofanyika Kariakoo-Gerezani, jijini Dar es Salaam.

Kampeni hii yenye kaulimbiu ya ‘Kila Mtu ni Mshindi’ inaanza mwezi huu wa Julai mpaka Oktoba mwaka huu huku ikiwa na washindi wa kila siku wa shilingi 100,000/-, washindi wa wiki wa shilingi 500,000/- huku wale wa mwezi wakiondoka na shilingi milioni moja, na washindi watano wa zawadi kuu ambao kila mmoja ataondoka na kibunda cha shilingi milioni 20!

Akielezea namna ya kushinda kupitia M-Pesa, Epimack Mbeteni, Mkurugenzi wa M-Pesa kutoka kampuni hiyo, alisema, “kila muamala unaoufanya kupitia M-Pesa katika kipindi cha kampeni unaongeza nafasi yako ya kushinda. Iwe unatuma pesa kwa familia, unalipia bili au unatumia M-Pesa super App kwa miamala na malipo ya kila siku.”

Mbeteni aliongezea kuwa kampeni ya ‘Ni Balaaa” itakuwa shirikishi ili kuwezesha kila mteja popote pale alipo bila kujali umbali wala hali yake ya kiuchumi kuibuka na ushindi wa aina tofauti.

“M-Pesa inamrahishia kila mtu kufanya miamala, ikiwemo wafanyabiashara kama nyie mliotuzunguka hapa Kariakoo. Yaani popote pale ulipo kila unapotumia M-Pesa basi moja kwa moja unaingia kwenye droo na hivyo kujiongezea nafasi ya kuibuka mshindi. Sisi tunasema Pesa ni M-Pesa na msimu huu “Ni Balaaa”, anamalizia Mbeteni.

Kwa kumalizia Bi. Chambua aliongezea kuwa kampeni hii itawagusa pia wamiliki wa biashara ndogo na za kati ambapo kwa kujiunga na SME Combo Bundles kutoka Vodacom sio tu zitawarahisishia shughuli zao za kibiashara, lakini pia zinawapa nafasi ya kushinda zawadi muhimu kama vile zana za usimamizi wa hesabu (inventory management system) au kamera za CCTV kwa ulinzi zaidi wa maeneo yao ya biashara.

BENKI YA EXIM YACHANGIA VITANDA KWA KITUO CHA AFYA TANGA

Mkuu wa Mkoa wa Tanga Balozi Dkt Batilda Burian (kushoto) akikabidhi Cheti cha kuthamini mchango wa benki ya Exim Tanzania kwa mkoa wa Tanga kwa Stanley Kafu, Mkuu wa Kitengo cha Masoko na Mawasiliano kutoka Benki ya Exim Tanzania wakati wa hafla ya makabidhiano ya msaada wa vitanda na Magodoro 21 kwa ajili ya kukamilisha mahitaji ya vitanda katika Kituo cha Afya cha Mwakidila kilichopo Jijini Tanga yaliyofanyika tarehe 25 Julai 2024.

Stanley Kafu, Mkuu wa Idara ya Masoko na Mawasiliano kutoka Benki ya Exim Bank Tanzania,(wa nne kutoka kulia) akimkabidhi vitanda 21 na Magodoro 21 Mkuu wa Mkoa wa Tanga, Balozi Dkt Batilda Burian kwa ajili ya kituo cha Afya Mwakidila wakati wa hafla ya makabidhiano ambayo yamefanyika katika kituo hicho Jijini Tanga tarehe 25 Julai 2024. Msaada huo umeenda kukamilisha mahitaji ya vitanda vilivyokuwa vinahitajika katika kituo hicho cha afya, Kushoto ni Fredrick Sagamiko, Mkurugenzi wa Jiji la Tanga.

Tanga: Exim Bank Tanzania imetoa jumla ya vitanda na magodoro 21 vya wagonjwa kwa kituo cha afya cha Mwakidila kilichopo jijini Tanga, mchango ambao umetatua kikamilifu tatizo la upungufu wa vitanda vya wagonjwa katika kituo hicho. Makabidhiano hayo, ambayo yamefanyika mbele ya Mkuu wa Mkoa wa Tanga, Mh. Balozi Dkt Batilda Burian, ni sehemu ya juhudi za kuboresha huduma za afya katika mkoa huo. Kituo cha afya Mwakidila kilikuwa na vitanda 29 huku mahitaji yakiwa 50, hivyo mchango wa Exim Bank Tanzania umetatua tatizo hilo la muda mrefu katika hafla iliyofanyika mnamo tarehe 25 Julai 2024.

“Sekta ya afya nchini, ikiwemo mkoa wa Tanga, inakabiliwa na changamoto nyingi, ikiwemo uhaba wa vifaa vya matibabu, upungufu wa vitanda, madawa, pamoja na uchache wa watoa huduma za afya ambavyo vimekuwa vikiathiri kwa kiasi kikubwa ubora wa huduma za afya,” anasema Bi Kauthar D’souza, Meneja Mkuu wa Idara ya Masoko na Mawasiliano, Exim Bank Tanzania.

Akizungumza wakati wa makabidhiano hayo jijini Tanga, Bi D’souza aliongeza, “Sisi kama Exim Bank Tanzania, tunatambua changamoto hizi na ndo maana tunajitolea kuunga mkono juhudi za Serikali katika kuboresha miundombinu ya afya ili kusaidia Watanzania wapate huduma bora za afya.”

Takwimu zinaonesha jitihada za ujenzi na uboreshaji wa miundombinu ya kutolea huduma za Afya katika maeneo mbalimbali nchini ambao umewezesha vituo vya kutolea huduma za Afya kuongezeka kutoka vituo 8,549 Mwaka 2021 hadi vituo 9,693 mwaka 2024; kama taifa tumepiga hatua katika kusogeza huduma hizi muhimu karibu zaidi kwa jamii.

WASHINDI NBC DODOMA MARATHON KUIWAKILISHA TANZANIA KIMATAIFA

Waziri wa Utamaduni, Sanaa na Michezo, Dkt Damas Ndumbaro (kushoto) akipokea sweta maalum la mbio za NBC Dodoma Marathon kutoka kwa Mkurugenzi Mtendaji wa Benki ya NBC, Theobald Sabi ikiwa ni ishara ya kumkaribisha rasmi Waziri huyo kwenye mbio hizo zinazotarajiwa kufanyika Julai 28 mwaka huu kwenye Uwanja wa Jamhuri jijini Dodoma zikiwa na lengo la kukusanya fedha ili kusaidia mapambano dhidi ya saratani ya shingo ya kizazi na kutoa ufadhili wa elimu kwa wakunga ili kuboresha afya ya mama wa mtoto Makabiziano hayo yamefanyika makao makuu ya benki hiyo jijini Dar es Salaam hivi karibuni.

Mkurugenzi Mtendaji wa Benki ya NBC, Theobald Sabi (kulia) akimpongeza Waziri wa Utamaduni, Sanaa na Michezo, Dkt Damas Ndumbaro (kushoto) baada ya kuthibitisha dahamira yake ya kukimbia km 42 kwenye mbio za NBC Dodoma Marathon zinazoratibiwa na benki hiyo kwa lengo la kukusanya fedha ili kusaidia mapambano dhidi ya saratani ya shingo ya kizazi na kutoa ufadhili wa elimu kwa wakunga ili kuboresha afya ya mama wa mtoto. Dkt Ndumbaro amethibitisha dhamira hiyo hivi karibuni jijini Dar es Salaam.

Waziri wa Utamaduni, Sanaa na Michezo, Dkt Damas Ndumbaro (kushoto) akimpongeza Mwenyekiti wa Kamati ya Maandalizi ya mbio za NBC Dodoma Marathon Bi Tatiana Masimba kwa maandalizi mazuri yam bio hizo zinazotarajiwa kufanyika Julai 28 mwaka huu kwenye Uwanja wa Jamhuri jijini Dodoma zikiwa na lengo la kukusanya fedha ili kusaidia mapambano dhidi ya saratani ya shingo ya kizazi na kutoa ufadhili wa elimu kwa wakunga ili kuboresha afya ya mama wa mtoto.

Waziri wa Utamaduni, Sanaa na Michezo, Dkt Damas Ndumbaro (kushoto) akizungumza na waandishi wa Habari (hawapo pichani) kuhusu mbio za NBC Dodoma Marathon pamoja na mchango wa benki ya NBC katika kuendeleza sekta ya michezo nchini. Kulia ni Mkurugenzi Mtendaji wa Benki ya NBC, Theobald Sabi.

Mkurugenzi Mtendaji wa Benki ya NBC, Theobald Sabi (kulia) akizungumza na waandishi wa Habari (hawapo pichani) kuhusu mbio za NBC Dodoma Marathon pamoja mchango wa benki ya NBC katika kuendeleza sekta ya michezo nchini. Kushoto ni Waziri wa Utamaduni, Sanaa na Michezo, Dkt Damas Ndumbaro.

Dar es Salaam, 22 Julai 2024: Serikali imesisitiz dhamira yake ya kutumia mbio za NBC Dodoma Marathon kama chanzo cha kuwapata wanariadha sahihi watakaoliwakilisha taifa kwenye mashindano ya kimataifa yakiwemo mashindano ya Olympic na Mashindano ya Jumuiya ya Madola (Commonwealth). Waziri wa Utamaduni, Sanaa na Michezo, Dkt Damas Ndumbaro amebainisha dhamira hiyo ya serikali jijini Dar es Salaam huku akithibitisha nia yake ya kukimbia km 42 (full marathon) kwenye mbio hizo zinatotarajiwa kufanyika jijini Dodoma, Julai 28 mwaka huu.

Lengo kuu la mbio hizo zinazotarajiwa kuongozwa na Waziri Mkuu Kassim Majaliwa ni kukusanya fedha ili kusaidia mapambano dhidi ya saratani ya shingo ya kizazi na kutoa ufadhili wa elimu kwa wakunga ili kuboresha afya ya mama wa mtoto.

Akizungumza kwenye mkutano na waandishi wa habari Makao Makuu ya benki ya NBC akiwa sambamba na mwenyeji wake Mkurugenzi Mtendaji wa benki hiyo, Bw Theobald Sabi, Dkt Ndumbaro pamoja na kusifia jitihada za benki hiyo katika kuinua sekta ya michezo nchini, alisema kwasasa taifa linakabiliwa na uhaba mkubwa wa wanariadha wenye sifa ya kushiriki mashindano ya kimataifa hivyo serikali imejipanga kutumia mbio hizo kutambua wanariadha wenye sifa sahihi kwa ajili ya maandalizi ya mashindano mbalimbali ya kimataifa.

“Kwasasa kwenye mashindano ya Olympic tunakwenda na wanariadha wachache sana kwasababu hatuna maandalizi ya kutosha. Hivyo NBC Dodoma Marathon ni moja ya chanzo cha kupata wanariadha wazuri ili baada ya mbio hizi tuweze kuwatamuba na kuwapa mafunzo zaidi ili mashindano ya ‘Commonwealth’ na Olympic na mengine mbalimbali ya kimataifa tuwe na wanariadha wengi zaidi.’’ Alibainisha Dkt. Ndumbaro huku akipongeza maandalizi ya mbio yenye kuzingatia viwango vya kimataifa.

Aidha Dkt. Ndumbaro aliipongeza benki hiyo kwa jitihada mbalimbali za kuendeleza sekta ya utamaduni, sana ana michezo kupitia mikakati mbalimbali ikiwemo udhamini wa michezo na huduma za kibenki zinazolenga kuwasaidia wadau mbalimbali wa sekta hizo.