TAARIFA KWA UMMA: VIWANJA KWA AJILI YA MATUMIZI YA VIWANDA

JAMHURI YA MUUNGANO WA TANZANIA 

WIZARA YA ARDHI, NYUMBA NA MAENDELEO YA MAKAZI 

TAARIFA KWA UMMA 

VIWANJA KWA AJILI YA MATUMIZI YA VIWANDA 

Wizara ya Ardhi, Nyumba na Maendeleo ya Makazi inawatangazia wananchi wote na umma kwa ujumla kuwa imekamilisha mradi wa kupanga na kupima viwanja 240 kwa ajili ya viwanda katika eneo la Pembamnazi, Wilaya ya Kigamboni Jiji la Dar es Salaam. Viwanja hivi vipo umbali wa takribani kilomita 50 kutoka eneo la Feri (Kigamboni) Jiji la Dar es Salaam.

Kwa wanaohitaji viwanja hivi, wanatakiwa kuchukua Fomu za maombi ambazo zitaanza kutolewa kuanzia tarehe 30 Agosti, 2016 Wizara ya Ardhi, Nyumba na Maendeleo ya Makazi (Makao Makuu) Mtaa wa Ardhi, Ghorofa ya chini Chumba Na. 5. Kabla ya kuchukua na kuzijaza Fomu, wahusika watafahamishwa utaratibu wa ugawaji wa viwanja hivyo.

Watakao kuwa wa kwanza kujaza na kurejesha Fomu zao za maombi watapewa kipaumbele zaidi wakati wa kugawa viwanja hivyo.

Tangazo hili linapatikana pia katika tovuti ya Wizara (www.ardhi.go.tz).

KATIBU MKUU