WAZIRI INNOCENT BASHUNGWA ATUA DStv TANZANIA!

• Aipongeza kwa kukuza tasnia ya filamu nchini
• Akemea vikali uharamia wa maudhui

Waziri wa Habari, Utamaduni, Sanaa na Michezo Innocent Bashungwa ametembelea kampuni ya MultiChoice Tanzania katika ziara yake ya kutembelea taasisi mbalimbali zilizo katika tasnia ya habari utamaduni Sanaa na michezo.

Katika ziara hiyo, Waziri Bashungwa aliambatana na Mkurugenzi wa Maendeleo ya Sanaa Dr. Emmanuel Ishengoma na Katibu Mtendaji wa Bodi ya Filamu Dr. Kiago Kilonzo wametembelea ofisi zetu na kufanya mazungumzo na uongozi wa kampuni yetu.

Waziri ameipongeza MultiChoice Tanzania kwa kuwa kinara katika kukuza tasnia ya filamu hapa nchini. Ametoa mfano wa kuanzishwa kwa chaneli mahususi ya maudhui ya kitanzania ya Maisha Magic Bongo ambayo zaidi ya asilimia 90 ya maudhui yake ni ya Kitanzania.