CRDB BANK MARATHON 2025 YAKUSANYA SHILINGI BILIONI 2 KUSAIDIA AFYA YA JAMII

Dar es Salaam, 17 Agosti 2025 – Zaidi ya wakimbiaji na wapenda michezo 16,000 kutoka ndani na nje ya Tanzania walijitokeza leo kushiriki CRDB Bank Marathon 2025 katika viwanja vya The Green, Oysterbay.
Mwaka huu, mbio hizo za hisani zimefanikisha kukusanya Shilingi Bilioni 2 kusaidia:

• Watoto wenye matatizo ya moyo
• Wakina mama wenye ujauzito hatarishi
• Vijana kupitia programu ya iMBEJU

---

Viongozi Wakuu Wapongeza Hatua Hii

Spika wa Bunge, Mhe. Dkt. Tulia Ackson Mwansasu, aliongoza washiriki na kusisitiza kuwa mbio hizo ni alama ya mshikamano wa jamii na moyo wa huruma.

“Ushiriki wetu katika CRDB Bank Marathon ni ushahidi kwamba tukishirikiana, tunaweza kubadilisha maisha,” alisema Dkt. Tulia.

 

Waziri wa Utamaduni, Sanaa na Michezo, Mhe. Prof. Palamagamba Kabudi, aliongeza kuwa mbio hizo si tu zimeimarisha afya na mshikamano wa kijamii, bali pia zimefungua milango ya ajira na fursa za kiuchumi kwa vijana.

---

CRDB Yapanua Wigo Hadi Nje ya Tanzania

Mkurugenzi Mtendaji wa CRDB Bank, Abdulmajid Nsekela, alieleza kuwa msimu huu wa sita umefanyika sambamba na maadhimisho ya miaka 30 ya Benki ya CRDB, na kwa mara ya pili pia umefanyika nchini Burundi na DRC.

• DRC (Lubumbashi): Dola za Marekani 70,000 zilikusanywa kuboresha huduma za afya.
• Burundi (Bujumbura): Faranga milioni 175 zilikusanywa kufanikisha bima ya afya kwa zaidi ya watu 58,000.

---

Mgawanyo wa Fedha Zilizokusanywa Tanzania

Kutokana na shilingi bilioni 2 zilizokusanywa:

• Milioni 100 – Hospitali ya CCBRT kusaidia wakinamama wenye ujauzito hatarishi
• Milioni 100 – Taasisi ya Moyo ya Jakaya Kikwete (JKCI) kusaidia upasuaji wa watoto wenye matatizo ya moyo
• Milioni 250 – Programu ya uwezeshaji vijana iMBEJU

---

Washindi wa Mbio

• 42 KM Wanawake: Joyloyce Kemuma (Kenya)
• 42 KM Wanaume: Abraham Kiptum (Kenya)
• 21 KM Wanawake: Catherine Syokau (Kenya)
• 21 KM Wanaume: Joseph Panga (Tanzania)
• 10 KM Wanawake: Silia Ginoka (Tanzania)
• 10 KM Wanaume: Boayi Maganga (Tanzania)

---

Kauli ya Washindi

Mshindi wa 21 KM wanaume, Joseph Panga, alisema:

“Najivunia kushiriki katika mbio hizi kwa sababu ushindi wangu ni sehemu ya kusaidia watoto na wakinamama. Afya bora ni haki ya kila mtoto, na hakuna mama anayestahili kupoteza maisha wakati wa kujifungua.”

---

Mafanikio ya Kimataifa

CRDB Bank Marathon sasa imejijengea heshima kubwa kimataifa, ikitambuliwa kwa kushinda tuzo ya jukwaa bora la taasisi za fedha linalosaidia jamii, ikiendelea kuchochea ustawi wa kijamii katika ukanda wa Afrika Mashariki na Kati.